《姐死姐還在》之〈三年零八個月〉

獵奇！揭秘！
OL深宮回憶錄——我在某大地產商做奴隸獸的日子！！

「直至今時今日，我都唔識點話畀阿媽知我係做咩……
真係好難形容花師奶係掌管咩部門，花師奶最大嘅任務就係湊公司老細嘅富二代sss。有無睇過清朝劇集，紫禁城有個地方叫阿哥所，啲娘娘生咗阿哥之後，就會send 去阿哥所畀奶媽湊。花師奶就係嗰啲奶媽，而我，就係奶媽嘅assistant。
如果你有睇創世紀，你就會知道，所有富二代喺daddy（公司老細）未死之前，其實都無咩嘢做，《創世紀》入面，秦沛個三個仔，大仔馬德鐘，二仔葉榮毅（aka李煒棋），同三仔吳奇隆都係終日無所事事。老闆有見及此，就會交低功課畀富二代sss做，理所當然，富二代sss從來都唔會「自己的事自己做」，佢哋會推畀奶媽做，奶媽就畀我呢啲細嘅做。我就係人型蜈蚣嘅最後一個participant。我阿姐食嘅屎，一路傳，pass 咗幾轉，將舊隔過幾隔嘅屎屙入我口中。做咗3年幾，我做咗啲咩「對社會有貢獻」嘅事？Er…… 真係無甚貢獻，虛度青春。」

【3年零8個月，在某大地產商做奴隸獸的日子，爆響口！】

詳細資料：
短篇故事／精裝／14.8cm（闊）x 21cm （高）／200頁／全1冊

作者︰姐死JESSIE 貨號: 978-988-77811-6-5 分類: 散文, 短篇小說標籤: 短篇故事, 網絡流行

作者的話

姐死JESSIE

" 我畢業啱啱出嚟做嘢冇耐，入咗間地產發展商做small potato，終於感受到咩係香港地搵食艱難。明白咩叫做嘢受氣。於是我就開咗個page申訴同埋怨自己嘅工作，數阿姐點樣虐待我。我當初開始寫作，就係源自我打工嘅一份怨氣。而我第一本書《姐死姐還在之三年零八個月》就係記錄我喺舊公司工作，積聚咗三年零八個月嘅怨氣。我一直都以為喺香港做嘢做得唔開心，怒髮衝冠嘅打工仔係會想聽到啲開心笑話，當我喺書局見到有人拎起我嗰本積怨甚深嘅書，我終於都明白咗一個道理。普通嘅笑料已經滿足唔到香港辛苦嘅打工仔，佢哋係需要我呢一啲比佢哋捱得更辛苦，處身地獄火海，長期畀阿姐虐待嘅終極苦命打工仔嘅存在，先至令佢哋明白自己並唔係最慘。我嘅存在就好似非洲埃塞俄比亞冇得食嘅兒童一樣，你望到我，你就會發覺自己嘅處境並唔係咁惡劣。可能創造館都係睇中我天生苦命，含住一啖怨氣，我嘅作品同埋我條命，可以畀其他打工仔引以為鑑，有警世嘅作用，先至簽我做作者，幫我出書。 "

找不到符合您選擇的商品