《婚姻這種邪教》MARRIAGE AS A CULT

對白精彩,妙語連珠,絕無冷場。
「大部分人,尤其女人,都信奉婚姻宗教,普遍恨娶恨嫁。對好多男男女女嚟講,婚姻係一種宗教,或者更接近一種邪教。好多人有股不知從何而來嘅信念,深信到某個年紀就要信教、進行儀式,即係結婚。」
「好多人話要結婚,講穿咗,不過代表求其搵個人結婚,只要對象有女性嘅特徵,加上生到仔就得。最好大家仲可以一齊供樓。好多女人話要同男人結婚,其實都係差唔多,佢哋要嘅只係靚仔同有錢。」

經濟╳愛情╳哲學,賤到無倫,包你棒腹大笑,仲可以領悟人生道理。

詳細資料:
長篇故事+散文/精裝/14.8cm(闊)x 21cm (高)/300頁

 

作者︰ 貨號: 978-988-12497-2-2 分類: , 標籤: , ,

作者的話

" 回想出書嘅日子,彷彿發咗場好大好大好大嘅夢。由初見余兒,到拎起第一本實體嘅《婚姻這種邪教》,前後相隔只係十個月;之後三年再出兩本,轟轟轟,然後我就出晒應承咗要出嘅三本書。 到今日,我仍然清楚記得第一次拎起自己本書嗰陣,心頭湧出嚟嗰種亢奮,興奮度只僅次初夜。 我一直希望自己嘅文章為朋友帶嚟短暫嘅快樂,亦講到一啲道理。我寫〈澳牛的黃昏〉、〈仆街磁石〉、〈初夜〉、〈男人的地獄〉,都係抱住呢種使命感(吹到咁X大)。我文筆絕對係垃圾,但你睇我十篇文、一本書,由頭到尾開開心心,然後帶走有三兩個有用嘅點,我嘅文字就已經完成使命。 最後,由於出之前嗰幾本書令大量樹木作出無謂嘅犧牲,我懺悔之餘亦要畀啲時間樹媽媽生番出啲樹幹。2022年啦,佢哋應該再次肥肥白白,又可以再斬嚟做紙。到時,我會再出書。 深信到時幫我出書嘅,仍然係創造館。 不過到時仲有冇香港…… "