作者

楚榮

"首先佩服創造嘅膽識，好肯嘗試新事物，包括唔同題材、風格，亦好肯起用新作者，當中唔會有太多商業嘅考慮，只係但求有趣好玩同值得出版。其次想講創造館嘅「氣場」，每次合作辦事，都感覺到佢哋有團火、有種好獨特嘅團隊精神，一齊創作、一齊出書嘅過程裡面，唔會覺得只係一個job，而係感受到嗰份熱血，直頭覺得大家就好似一隊球隊，每人都跑多一步，互補長短；要打爭氣波、要打一場漂亮嘅仗一樣。正因為創造館呢種獨特嘅氣場，令大家不但成為朋友，更成為咗好好嘅戰友。最後，都係要重提：見到自己嘅食譜能夠變成實體書，當然好感動；因為只有實體書先可以將楚榮嘅味道實實在在記錄下來，令屬於我們嘅住家飯留存得更久。將來就算我倆老咗，閒時都可以拎本書出嚟懷緬一番，亦會永遠記得：我們曾經都為自己中意做嘅事奮鬥過。"

平凡小夫妻。波屎從事平面設計，楚榮打份寫字樓工，穩定地上班，下班煮飯。某日丈夫覺得妻子生活無火，便提議一起經營煮飯專頁，一個煮飯寫字，一個拍攝繪圖。反應不錯，遂給創造館看中，於2014年推出第一本食譜書。隨後成為煮食blogger。